Last Updated on February 20, 2026 9:52 pm by BIZNAMA NEWS
انڈیا اے آئی امپیکٹ سمٹ 2026 میں، آیوش کی مرکزی وزارت کی آیوش پویلین نے وزیٹرس، اختراع کاروں اور بین الاقوامی مندوبین سے پیہم رابطہ قائم کیا ہے، جنہوں نے روایتی نظام ادویہ کے لیے وزارت کے اے آئی سے آراستہ حلوں کو سمجھا۔ سربراہ اجلاس کی وسیع تر نمائش کے حصے کے طور پر، اس پویلین نے اے آئی سے آراستہ چیٹ بوٹس اور یوگا پوسچر اے آئی – ایک کمپیوٹر وژن پر مبنی سلوشن کو لے کر غیر معمولی دلچسپی پیدا کی ۔ یوگا پوسچر اے آئی لوگوں کو زیادہ درستگی اور حفاظت کے ساتھ یوگا آسنوں کی جائزہ لینے، ٹھیک کرنے اور درستگی کے ساتھ کرنے میں مدد فراہم کرتا ہے۔
آیوش کی وزارت کے سکریٹری ویدیا راجیش کوٹیچا، ویدیا رابنرائن اچاریہ، ڈائرکٹر جنرل، سنٹرل کونسل فار ریسرچ ان آیورویدک سائنسز (سی سی آر اے ایس) اور سینئر عہدیداروں کے ساتھ، آیوش پویلین کی نمائشوں کا جائزہ لیا جس میں ڈیجیٹل اقدامات اور ٹیکنالوجی سے چلنے والے عوامی صحت کے آلات کی نمائش کی گئی تھی۔ سکریٹری نے تکنالوجی پر مبنی اقدامات کے منظم اور اثرانگیز مظاہرے کے لیے آیوش گرڈ ٹیم کی بھی ستائش کی۔ ان اقدامات کو آیوش شعبے میں خدمات بہم رسانی ، تحقیق، تعلیم اور حکمرانی کے نظام کو مضبوط بنانے کی غرض سے ڈیزائن کیا گیا ہے۔ سکریٹری نے سینئر افسران کے ساتھ دیگر اہم نمائش کنندگان کے پویلین کا بھی دورہ کیا اور سروَم اے آئی، ایم ای آئی ٹی وائی، میٹا، گوگل اور اس شعبے کی دیگر تنظیموں کے ساتھ سیر حاصل گفتگو کی۔
انہوں نے شہریوں، پریکٹیشنرز اور اداروں کی مدد کے لیے تیار کیے گئے اے آئی پر مبنی چیٹ بوٹس کی عملی افادیت کا کیا، جو ڈیجیٹل انٹیلی جنس کو روایتی حفظانِ صحت کے فریم ورک میں شامل کرنے کے لیے جاری کوششوں کی عکاسی کرتا ہے۔ حفظانِ صحت میں تبدیلی کے لیے مقامی اے آئی صلاحیتوں کی سٹریٹجک اہمیت پر زور دیتے ہوئے، انہوں نے کہا، “ہندوستان کے خودمختار اے آئی ماڈلز کو آیوش ڈیجیٹل ماحولیاتی نظام کو مضبوط بنانے کے لیے فائدہ اٹھانا چاہیے جبکہ ڈیٹا کی سالمیت، شمولیت اور عالمی باہم اثر پذیری کو یقینی بنانا چاہیے۔ ہمیں توسیع پذیر، عوام پرمرتکز حفظانِ صحت سے متعلق حل تیار کرنے کے لیے مصنوعی ذہانت کو ذمہ داری کے ساتھ روایتی علم کے ساتھ مربوط کرنا ہوگا۔”
سمٹ میں آیوش پویلین آیوش گرڈ کے جامع فن تعمیر کو پیش کرتا ہے – روایتی ادویات کے لیے ہندوستان کا ڈیجیٹل پبلک ہیلتھ انفراسٹرکچر۔ اس ماحولیاتی نظام کا مرکز میرا آیوش مربوط خدمات پورٹل (ایم اے آئی ایس پی) ہے، جو ایک متحد ڈیجیٹل گیٹ وے ہے جو ایک ہی پلیٹ فارم کے ذریعے حفظانِ صحت خدمات، تعلیم، تحقیق، طبی خواص کے حامل پودوں کی معلومات، ڈرگ ایڈمنسٹریشن، اور عوامی رسائی کو مربوط کرتا ہے۔ اس پہل قدمی کا مقصد شہریوں اور اداروں کے لیے مستند آیوش خدمات تک بغیر کسی رکاوٹ کے، تکنالوجی سے تعاون یافتہ رسائی کو یقینی بنانا ہے۔
اے آئی سے آراستہ ٹولز کے لائیو مظاہرے وزٹرس کے درمیان بحث کا موضوع بنے رہے۔ ذہین چیٹ بوٹس ذاتی نوعیت کی فلاح و بہبود کی رہنمائی اور سروس نیویگیشن فراہم کرتے ہیں، جبکہ یوگا پوسچر اے آئی نظام یہ ظاہر کرتا ہے کہ کس طرح ریئل ٹائم آسن کا تجزیہ یوگا مشق میں درستگی، حفاظت اور رسائی میں اضافہ کر سکتا ہے۔ پویلین طبی فیصلہ سازی، معیار سازی، تحقیقی تجزیات اور آیوش کے تمام شعبوں میں صحت عامہ کی رسائی میں مدد کے لیے ترقی کے تحت اے آئی ٹولز کی نمائش بھی کرتا ہے۔
اس کے علاوہ، آئی آئی ٹی جودھپور سینٹر آف ایکسیلنس کی پہل قدمیوں کو پیش کیا جا رہا ہے، جس میں ڈیجیٹل ہیلتھ، مصنوعی ذہانت اور روایتی ادویات کے چوراہے پر جاری تحقیق کو اجاگر کیا جا رہا ہے۔ انٹرایکٹو ڈسپلے روایتی حفظانِ صحت کے نظام میں مشترکہ تحقیق اور ابھرتی ہوئی اے آئی ایپلی کیشنوں کے بارے میں معلومات فراہم کرتے ہیں۔
انڈیا اے آئی – آیوش انوویشن چیلنج کی وزارت نے پویلین کا دورہ کرنے والے اسٹارٹ اپس اور محققین کی توجہ بھی حاصل کی ہے، جو صحت عامہ کی ایپلی کیشنوں کے لیے اے آئی کے تابع حلوں کے ساتھ بڑھتی ہوئی مصروفیت کی عکاسی کرتی ہے۔
انڈیا – اے آئی امپیکٹ سمٹ 2026 میں اپنی شرکت کے ذریعے، آیوش کی وزارت یہ پیش کر رہی ہے کہ کس طرح جدید تکنالوجیوں کو ذمہ دارانہ طریقے سے اپنانے کے ذریعے صحت کے روایتی علمی نظام کو مضبوط بنایا جا سکتا ہے، جس سے مصنوعی ذہانت کے جامع، لوگوں پر مرکوز ایپلی کیشنوں پر وسیع مکالمے میں تعاون کیا جا سکتا ہے۔
